મોરબી જિલ્લાના મોરબી તાલુકાના ગામ બિલિયા માં આવેલી સરકારી પ્રાથમિક શાળા શ્રી બીલિયા પ્રાથમિક શાળા ના ઉત્કૃષ્ટ શિક્ષક શ્રી ગૌતમભાઈ ગોધવિયા દ્વારા પ્રગટ થતા મોજીલો વિદ્યાર્થી દૈનિક પત્ર ના અંકો અહીં સંગ્રહિત છે, નીચેની લિંક પર ઉપલબ્ધ છે.
દરેક અંકની શરૂઆત એક સુંદર સુવિચાર થી થાય છે.
તાજેતરના અંક 352 માં મને ઓળખો વિભાગમાં એક પ્રવેશ દ્વાર અને પગથિયાંનો ફોટો છે તેને આધારે સ્થળ ઓળખવાનું છે,
કોયડા વિભાગમાં ચતુષ્કોણ નાં ત્રણ ખૂણાને આધારે ચોથો ખૂણો મેળવવાને લગતો વ્યાવહારિક કોયડો ઉકેલવા માટે આપ્યો છે.. જેમાં ચતુષ્કોણના ચાર ખૂણાના માપનાં સરવાળાના આધારે સમીકરણ બનાવી જવાબ મેળવી શકાય.
અવનવું: આ વિભાગમાં અંગ્રેજી અંકો ના સ્પેલિંગને ધ્યાનમાં રાખીને અવનવું આપવામાં આવ્યું છે.
ચાલો યાદ રાખીએ: આ વિભાગ માં અંગ્રેજીના કેટલાક પ્રશ્નસૂચક શબ્દોની યાદી મૂકવામાં આવી છે.
બાળક્વિઝ માં ભારત ને લગતા અંગે જાણવાલાયક પ્રશ્નો છે.
વ્યક્તિ વિશેષ માં ગુજરાત રાજ્યના રાજકીય ક્ષેત્રે પરિવર્તન લાવનાર ઈન્દુલાલ યાજ્ઞિકનો પરિચય આપવામાં આવ્યો છે.
ઘણી જહેમત ઉઠાવીને આપણાં સૌ સુધી ઉત્તમ સાહિત્ય પહોચાડવા બદલ શ્રી ગૌતમભાઈ નો ખૂબ ખૂબ આભાર..