બાળ મેળો:
શ્રી ઈન્દ્રા પ્રાથમિક શાળામાં તારીખ: 17-08-2023 ને ગુરુવારના રોજ બાળમેળાનું આયોજન અને અમલીકરણ કરવામાં આવ્યું હતું.
બાળકોએ પોતપોતાની રુચિ, રસ અને આવડત પ્રમાણે વિવિધ પ્રવૃતિઓમાં ભાગ લઈ અને પોતાની સર્જનશક્તિ દર્શાવી હતી.
શાળામાં અભ્યાસ કરતા બાલવાટિકા થી ધોરણ 5 સુધીનાં બાળકોએ માટીકામ, ચિટકકામ, છાપકામ, રંગપૂરણી, ચિત્રકામ વગેરે પ્રવૃત્તિ માં ભાગ લીધો હતો.
પ્રાર્થના સંમેલન દરમિયાન વાર્તા કથન અને બાળગીત, સંગીત ની પ્રવૃત્તિ કરવામાં આવી હતી.
બાલવાટિકા થી ધોરણ 5 સુધીનાં અંદાજે 55-60 જેટલાં બાળકો એ વિવિધ પ્રવૃત્તિ માં ભાગ લઈ પોતાની કૃતિ બનાવી હતી.
બાળકોની કૃતિઓ અને પ્રવૃત્તિઓ જોવા અહીં ક્લિક કરો.
લાઇફ સ્કીલ મેળો:
તારીખ 18-09-2023 ને શુક્રવારના રોજ શ્રી ઈન્દ્રા પ્રાથમિક શાળામાં લાઇફ સ્કીલ મેળાની વિવિધ પ્રવૃતિઓ કરવામાં આવી હતી.
ધોરણ 6 થી 8 નાં બાળકોએ પોતાની વ્યક્તિગત રસ રૂચિ અનુસાર વૈવિધ્ય સભર પ્રવૃત્તિઓમાં ભાગ લીધો હતો.
શાળામાં ધોરણ 6 થી 8 નાં અંદાજિત 40-42 જેટલાં બાળકોએ કાગળ કામ, કાતર કામ, સુશોભન, પેપર ક્રાફટ, સાઇકલ પંકચર કામ, ફ્યુઝ બાંધવો, સ્ક્રુ પિલવો, મહેંદી મૂકવી, કેશ ગૂંથણ વગેરે માં ભાગ લીધો હતો.
છેલ્લે બાળકોએ બનાવેલી કૃતિઓનું પ્રદર્શન અને નિદર્શન કરવામાં આવ્યું હતું.
બાળકોને કૃતિ વધુ સારી અને ઉપયોગી બને તે માટે કેટલાંક રચનાત્મક સૂચનો આપવામાં આવ્યાં હતાં.