આજે તારીખ 15-08-2023 ને મંગળવારના રોજ શ્રી ઈન્દ્રા પ્રાથમિક શાળામાં સત્યોતેરમા સ્વાતંત્ર્ય દિનની ઉજવણી કરવામાં આવી હતી.
.jpeg)
મુખ્ય અતિથિ વૉટરશેડ ઈન્દ્રા એકમ ના અધ્યક્ષ શ્રી નિલેશભાઈ કરશનભાઈ ડાંગર હતા, જેમના હસ્તે ધ્વજ વંદન કરવામાં આવ્યું હતું. તેમની સાથે સાથે ગામના પૂર્વ સરપંચ હંસાબેન તથા પીઠાભાઈ , વાસણભાઈ મેતા વગેરે અગ્રણી ગ્રામજનો હાજર રહ્યા હતા.
શાળામાં અભ્યાસ કરતા બાળકોના વાલી શ્રીઓ વિશેષ પ્રમાણમાં ઉપસ્થિત રહ્યાં હતાં.
આ પ્રસંગની સાથોસાથ વિદ્યાર્થી ના સન્માન નો કાર્યક્રમ પણ યોજવામાં આવ્યો હતો. જેમાં ધો 3 થી 8 માં પ્રથમ, દ્વિતીય અને તૃતીય ક્રમ મેળવનાર, વાર્ષિક ઉત્તમ હાજરી આપનાર, એકમ કસોટી માં ઉચ્ચ ગુણ પ્રાપ્ત કરનાર, જ્ઞાન સેતુ અને જ્ઞાન સાધના કસોટીમાં મેરિટ માં સ્થાન મેળવનાર બાળકોનું સન્માન કરવામાં આવ્યું હતું.
બાલવાટિકા અને ધો 1 માં નવા પ્રવેશ મેળવેલા બાળકો નું સ્વાગત તથા શૈક્ષણિક કીટ આપીને પ્રોત્સાહિત કરવામાં આવ્યાં હતાં.