આજ રોજ તારીખ 13-01-2023 ને શનિવારે ઈન્દ્રા પ્રાથમિક શાળામાં બાળકો દ્વારા જન્મ દિવસ નિમિતે સરપ્રાઇઝ સેલિબ્રેશન રાખવામાં આવ્યું હતું. હું આગલા બે દિવસ 11 અને 12 જાન્યુઆરી 2024 , માણાવદર ખાતે પ્રશિક્ષણ શિબિરમાં હતો. એટલે શાળાના સ્ટાફ સાથે મળીને બાળકોએ સરસ સરપ્રાઇઝ ગોઠવી હતી.
ભાષા શિક્ષક તરીકે પહેલી નજર સ્પેલિંગ પર ગઈ, પરંતુ ગુજરાતી માધ્યમની શાળામાં અંગ્રેજી ની પા પા પગલી પાડતા બાળકોની લાગણી આગળ એ ક્ષમ્ય છે, કલા ના જીવ તરીકે આનંદ થયો કે બાળકોએ પોતાની કલાને સરસ રીતે રજૂ કરી છે અને બાળકોના સ્નેહ માટે આત્યંતિક હર્ષ અનુભવુ છું.
નાના બાળકો દ્વારા સરસ બર્થ ડે કાર્ડ બનાવવામાં આવ્યા હતા અને મોટા બાળકોએ જન્મ દિન ને અનુરૂપ વર્ગ સુશોભન અને સેલિબ્રેશન કર્યું હતું, તેમજ બાળકોએ મળી સરપ્રાઇઝ ગિફ્ટ પણ તૈયાર કરી હતી. જે હજી પણ સરપ્રાઇઝ જ છે, કેમકે ઓફિસના કામને લીધે આજે ટૂંકા દિવસ ને લીધે જોવાનો સમય મળ્યો નહોતો.
